فیصل آباد، انتخابی امیدواروں نے ضابطہ اخلاق کی دھجیاں اڑا دیں
فیصل آباد ( 92 نیوز) فیصل آباد میں انتخابی امیدواروں نے الیکشن کمیشن کے ضابطہ اخلاق کی دھجیاں اڑا دی ، خلاف ورزی کرنے والے 15 امیدواروں کی رپورٹ ضلعی انتظامیہ کو ارسال کر دی گئی ۔
فیصل آباد میں امیدواروں نے تشہیری مہم کے لیے خلاف ضابطہ شہر میں بڑے بڑے فلیکسز لگائے اور وال چاکنگ کی ۔
خلاف ورزی کرنے والوں میں رانا ثناء اللہ ، عابد شیرعلی ، جعفرعلی ہوچا، رانا علی عباس ، فرخ حبیب، راجا ریاض، محمد شکیل شاہد، حافظ ممتاز اور عادل پرویز شامل ہیں ۔
ضابطہ اخلاق کی خلاف ورزی کرنے والوں کے نام ضلعی انتظامیہ کو بھجوا دیئے گئے ہیں ۔