فوادچودھری نے شہبازشریف کی آل پارٹیز کانفرنس کی تجویز مضحکہ خیز قرار دیدی
اسلام آباد (92 نیوز) وفاقی وزیر اطلاعات فوادچودھری نے شہبازشریف کی آل پارٹیز کانفرنس (اے پی سی) کی تجویز مضحکہ خیز قرار دیدی۔
شہباز شریف کی پارلیمان کو بائ پاس کر کے انتخابی اصلاحات پر گفتگو کیلئے آل پارٹیز کانفرنس کی تجویز مضحکہ خیز ہے، اس طرح کی فیصلہ سازی پارلیمان کے اندر کی جاتی ہے اپوزیشن لیڈر پارلیمان کو کمزور کرنے کے ایجنڈے کا حصہ بن رہے ہیں جو انتہائ افسوس ناک ہے
وفاقی وزیر فوادچودھری نے ٹویٹ میں لکھا کہ، شہبازشریف پارلیمان کو بائی پاس کر رہے ہیں، اس طرح کی فیصلہ سازی پارلیمان کے اندر کی جاتی ہے۔
اُنہوں نے مزید لکھا کہ، اپوزیشن لیڈر پارلیمان کو کمزور کرنے کے ایجنڈے کا حصہ بن رہے ہیں، شہبازشریف کا یہ اقدام انتہائی افسوس ناک ہے۔
