فواد چودھری کی وزیر اعظم سے فضل الرحمٰن کیخلاف مقدمہ درج کرانے کی درخواست

اسلام آباد (92 نیوز) وزیراعظم عمران خان سے وفاقی وزیر فواد چودھری کی ملاقات کی اندرونی کہانی سامنے آگئی، فواد چودھری نے وزیر اعظم سے مولانا فضل الرحمٰن کے خلاف آرٹیکل 6 کے تحت مقدمہ درج کرانے کی درخواست کر دی۔ وزیراعظم عمران خان سے وفاقی وزیر فواد چوہدری کی ملاقات میں موجودہ سیاسی صورتحال پر تبادلہ خیال کیا گیا، مولانا فضل الرحمان کی جانب سے دھرنے میں یقین دھانیوں کے بیان کا جائزہ لیا۔ اس موقع پر فواد چوہدری نے کہا کہ مولانا فضل الرحمان کی جانب سے منتخب حکومت کے خلاف سازش کا اعتراف ہے، ان کے خلاف آرٹیکل 6 کا مقدمہ درج کیے جانے کا مطالبہ کیا۔ مزید بولے کہ مولانا فضل الرحمان کے اعتراف کی روشنی میں مکمل انکوائری ہونی چاہیئے۔