فواد چودھری اور دیگر وزرا توجہ ہٹاؤ مشن پر گامزن ہیں ، ناصر شاہ
کراچی ( 92 نیوز ) پاکستان پیپلزپارٹی کے رہنما ناصر شاہ کا کہنا ہے کہ وفاقی وزیر اطلاعات و نشریات اور صوبائی وزیر اطلاعات فیاض الحسن چوہان سمیت تمام وزرا توجہ ہٹاؤ مشن پر گامزن ہیں ۔
پیپلزپارٹی کے رہنما کا کہنا تھا کہ یہ صرف عوام کی توجہ ہٹانے پر لگے ہوئے ہیں ، یہ شعبدے باز ہیں ۔
ناصر شاہ کا کہنا تھا کہ سانحہ ساہیوال کے بعد پہلی کانفرنس چودھری نے ، دوسری فیاض الحسن چوہان اور اس کےبعد تیسری کسی اور نے کی ، تینوں کی باتوں میں تضاد تھا ۔
پیپلزپارٹی کے رہنما نے کہا کہ مرنے والوں کو پہلے معصوم کہا گیا ، پھر کہا گیا کہ نہیں وہ دہشتگرد تھے ۔ ابھی تک یہ نہیں بتایا گیا کہ کس کو گرفتارکیا گیا ہے ۔
مشیر اطلاعات سندھ نے گزشتہ روز پیش کئے جانے والے بجٹ پر تنقید کرتے ہوئے رد عمل دیا کہ منی بجٹ کی صورت میں نیا بم عوام پر فائرکیا گیا ۔
مرتضیٰ وہاب کا کہنا تھا کہ صنعتکاروں کو فائدے دیے گئے،غریب کے بچے کو دودھ سے بھی دورکردیاگیا ، کون سا غریب 1300سی سی گاڑی استعمال کرتا ہے، افسوس وفاقی حکومت عوام کے مسائل نہیں سمجھتی۔