فلپائن میں دلچسپ مڈ پیپل فیسٹیول شروع ہوگیا

فلپائن ( 92 نیوز) دنیا بھر میں طرح طرح کے میلے منائے جاتے ہیں ، جو اپنے علاقے کی ثقافت کا آئینہ دار ہوتے ہیں ۔ فلپائن کے علاقے علی آگا میں بھی ایسے ہی دلچسپ فیسٹیول کا انعقاد کیا گیا جس میں مقامی قبیلے کے درجنوں افراد نے شرکت کی۔ ان سب افراد نے اپنے آپ کو کیلے کے پتوں میں لپیٹ کر کیچڑ میں لت پت کررکھا تھا ۔ ان لوگوں کا عقیدہ ہے کہ مَڈ پیپل فیسٹیول منانے سے ان کی فصلیں اچھی ہوتی ہیں ۔