فضل الرحمٰن کا شہبازشریف کو ٹیلیفون، کورونا پر پارلیمانی مانیٹرنگ کمیٹی بنانے کی تجویز

لاہور (92 نیوز) سربراہ جے یوآئی ف مولانا فضل الرحمٰن نے شہبازشریف سے ٹیلیفونک گفتگو میں کورونا صورتحال پر شہبازشریف کو پارلیمانی مانیٹرنگ کمیٹی بنانے کی تجویز دیدی۔ سربراہ جے یوآئی ف مولانا فضل الرحمٰن کا ٹیلیفونک گفتگو میں کہنا تھا کہ پارلیمانی مانیٹرنگ کمیٹی بنائے جانے تک اپوزیشن کسی کمیٹی میں شریک نہیں ہوگی۔ انہوں نے کہا کہ یہ ملک کسی ایک جماعت کے سربراہ کی بنائی فورس کے حوالے نہیں کیا جاسکتا، ہمیں ٹائیگر فورس کی ضرورت نہیں اس کام کے لیے ہمارے پاس فوج، پولیس اور بلدیاتی ادارے موجود ہیں، اگر قومی سطح پر کام کرنا ہے تو قومی تحریک کی نیت کرنی چاہئے۔