فضل الرحمن ذہنی توازن کھو بیٹھے ،مایوسی کی باتیں ہی کرینگے ، شبلی فراز
اسلام آباد (92 نیوز) وزیر اطلاعات شبلی فراز نے کہا کہ فضل الرحمن اپناذہنی توازن کھو بیتھے ہیں ، مولانا کو آخر میں خالی کرسیوں سے خطاب کرنے کیلئے چھوڑ دیا جاتا ہے ، وہ ان حالات میں مایوسی کی ہی باتیں کریں گے ۔
شبلی فراز نے کہا کہ پی ڈی ایم کو مسترد کرنے پر جڑواں شہروں کا شکریہ ادا کرتے ہیں ۔
ادھر وزیر داخلہ شیخ رشید احمد نے کہا کہ حکومت نے کوئی رکاوٹ کھڑی نہیں کی ، پی ڈی ایم کا احتجاج کھودا پہاڑ ، نکلا چوہا تھا ، لانگ مارچ کے لئے آنا ہے تو ابھی آجائیں ۔
شیخ رشید احمد کا کہنا تھا کہ رکاوٹیں کھڑی نہ کرنے کے باوجود اپوزیشن کے احتجاج میں صرف دو تین ہزار لوگ شریک ہوئے ، فارن فنڈنگ کیس کا فیصلہ ہو جانا چاہئے ، الیکشن کمیشن سے درخواست ہے تینوں پارٹیز کےکیسز کا فیصلہ سنا دیا جائے ۔
انہوں نے مزید کہا کہ کہ نیا پنڈوراباکس اور پاناما ٹو کھلنے جارہا ہے۔