فضائی حدود کے استعمال کی اجازت سے انکار بھارتی رویے پر کیا ، وزیر خارجہ

اسلام آباد ( 92 نیوز) وزیر خارجہ شاہ محمود قریشی نے کہا کہ پاکستان کی جانب سے بھارتی صدر کیلئے فضائی حدود کے استعمال کی اجازت  سے انکار بھارتی  رویے کو مد نظر رکھتے ہوئے  کیا گیا۔ وزیر خارجہ کا کہنا تھا کہ  فضائی حدود کے استعمال کی اجازت نہ دینے کے فیصلے کی منظوری وزیر اعظم نے دی ۔ بھارتی صدر نے آئس لینڈ جانےکیلئے پاکستانی فضائی حدود استعمال کرنیکی اجازت مانگی تھی، وزیر خارجہ کا کہنا ہے کہ بھارت نےگزشتہ34روزسےکشمیریوں کوبنیادی سہولتوں سےمحروم کررکھاہے۔ انہوں نے مزید کہا کہ کشمیرمیں بربریت اورظلم ہورہا ہے، ہم نے صبر و تحمل کا مظاہرہ کیا اور نہایت محتاط طریقے سے مسئلے کو اٹھایا، ، بھارتی حکومت ٹس سے مس نہیں ہورہی، بھارتی جنونیت کو مد نظر رکھتے ہوئے پاکستان نے یہ فیصلہ کیا۔