فرانسیسی پارلیمنٹ نے اسلام ازم کا مقابلہ کرنے کا بل منظور کر لیا
پیرس (92 نیوز) فرانس کی حکومت نے اسلام کیخلاف اپنا زہر اُگل دیا۔ فرانسیسی حکومت نے اسلام کے فروغ کے خلاف اقدامات اٹھانے کا فیصلہ کرلیا۔ اسلام ازم کا مقابلہ کرنے کا بل منظور کر لیا۔
اسلام کے خلاف فرانس کھل کر سامنے آگیا۔ پارلیمان نے اسلام ازم کا مقابلہ کرنے کا بل منظور کرلیا۔
فرانسیسی حکومت کے اسلام مخالف قانون کواس طرح ترتیب دیا گیا ہے کہ اس سے ملک میں اسلامی نظریات کے فروغ پر قابو پانے کے لئے اقدامات ئے جاسکیں گے۔ بل میں اسلام ازم کو قومی اتحاد کیلئے خطرہ قراردیا گیا ہے۔
بل کی آڑ میں مساجد اور مدارس کی نگرانی میں اضافہ ہوگا۔ اس قانون کے تحت آن لائن تشدد، سخت مذہبی نظریات کی روک تھام اور بچوں کو مرکزی تعلیمی اداروں کے علاوہ کسی بھی ذریعے سے تعلیم دینے پر پابندی عائد کی جاسکےگی۔
فرانس بھرمیں پچاس لاکھ مسلمان آباد ہیں جو حکومتی اقدام پر خوف محسوس کررہے ہیں۔ فرانسیسی مسلمانوں کا کہنا ہے جان بوجھ کر ایک خاص طبقے کو نشانہ بنایا جا رہا ہے اور مذہبی آزادی کو ختم کرنے کی کوشش کی جا رہی ہے۔