فاروق ستار نے بھی شراب کی بوتلوں سے شہد ملنے پر سوال اٹھادیا
کراچی ( 92 نیوز) ایم کیو ایم رہنماء ڈاکٹر فاروق ستار نے شرجیل میمن کے کمرے سے شراب کی بوتلوں سے ہی شہد اور تیل ملنے پر سوال اٹھا دیا ، متحدہ رہنما نے معاملے پر قانونی تقاضے پورے کرنے کا مطالبہ کردیا ۔
ڈاکٹر فاروق ستار کی مقامی عدالت میں پیشی ہوئی ، سیاست اور عدالت کو چولی دامن کا ساتھ دیتے ہوئے فاروق ستار نے اور مقدمات کو جھوٹ اور بے بنیاد قرار دے دیا ۔
متحدہ رہنماء بھی شرجیل میمن کے کمرے سے شراب کی بوتلوں پر بول پڑے اور شراب کی بوتل میں ہی زیتون کا تیل رکھنے پر سوالیہ نشان لگادیا ۔
پاکستان تحریک انصاف میں شمولیت کے سوال پر ڈاکٹر فاروق ستار کا کہنا تھا مشترکہ دوستوں نے پارٹی میں شمولیت اور ضمنی انتخاب کیلئے ٹکٹ کی پیشکش کی ہے ۔
مقامی عدالت نے متحدہ رہنماء کیخلاف 2 مقدمات کی سماعت 27 ستمبر تک ملتوی کردی اور آئندہ سماعت پر ایس ایس پی انویسٹی گیشن ایسٹ کو طلب کرلیا ۔
متحدہ رہنماء کیخلاف تھانہ نیو ٹاؤن میں مقدمہ 1987 میں درج کیا گیا جبکہ سولجر بازار تھانے میں مقدمہ 2016 میں درج کیا گیا ۔