عید میلاد النبیﷺ کی آمد آمد ، جشن ولادت شایان شان سے منانے کیلئے جوش و جذبہ بڑھنے لگا

 اسلام آباد (92 نیوز) عید میلاد النبیﷺ کی آمد آمد ہے۔ جشن ولادت شایان شان انداز سے منانے کیلئے جوش و جذبہ بڑھنے لگا۔ عاشقان رسولﷺ کی جانب سے درود وسلام کی محافل ، گھروں، گلیوں اور بازاروں کو سجانے کیلئے جھنڈیوں، لائٹس اور دیگر اشیا کی مانگ بڑھ گئی۔ سرکار کی آمد مرحبا میلادالنبی ﷺ کا مہینہ شروع ہوتے ہی عاشقان رسولﷺ نے جشن عید میلادالنبی ﷺ منانے کی تیاریوں کا آغاز کر دیا۔ اس سلسلے میں بازاروں میں کافی رش دیکھنے میں آرہا ہے۔ شہری سجاوٹ کے لیے مختلف قسم کا سامان خرید رہے ہیں جن میں نعلین پاک ﷺ کے رول ماڈل، فانوس، سبز رنگ کے جھنڈے لوگوں کی توجہ کا مرکز بنے ہوئے ہیں۔ شہریوں کا کہنا ہے کہ سرکار دو عالم صلی اللہ علیہ وسلم کی ولادت کا مہینہ ہے ، ہم اس کو بڑے جوش و خروش سے مناتے ہیں۔