عید الفطر پر قیدیوں کی سزا میں نرمی کا نوٹیفکیشن جاری

اسلام آباد (92 نیوز) وزارت داخلہ نے عیدالفطر کے موقع پر قیدیوں کی سزائوں میں نرمی کا اعلان کر دیا۔

نوٹیفکیشن کے مطابق مختلف جرائم میں قید افراد کی سزا میں 90 دن کی کمی گئی ہے۔ خواتین کیلیے 60 سال اور مردوں کیلیے 65 سال سے زائد عمر والے افراد پر اس نرمی کا اطلاق ہو گا۔ سنگین جرائم میں ملوث قیدیوں اور کرپشن کیسز میں سزا یافتہ قیدیوں پر اس نرمی کا اطلاق نہیں ہو گا۔

وزارت داخلہ کی جانب سے تمام صوبائی ہوم ڈیپارٹمنٹس کو ہدایات جاری کر دی ہیں۔