عوام لائنیں لگاکر آٹا لے رہے ہیں ،حکمران بلیم گیم کھیل رہے ہیں ،مصطفی کمال

کراچی ( 92 نیوز ) پاک سر زمین پارٹی کے سربراہ مصطفی کمال نے کہا کہ عوام لائنیں لگا کر آٹا لے رہے ہیں جب کہ حکمران آپس میں بلیم گیم کھیلنے میں مصروف ہیں ، لوگوں کو بے وقوف بنانے کے لئے بیانات دیے جاتے ہیں اور اندر سے مل کر کرپشن کر رہے ہیں ، وزیر اعظم کی بھی ہر بات میں جھوٹ اور یو ٹرن ہے ، وہ بتائیں کہ کراچی کے عوام کے لئے کیا  کام کیا ہے ۔ کراچی میں  گفتگو کرتے ہوئے مصطفی کمال کا کہنا تھا کہ  سستے داموں گندم بیچ دی گئی اور آج  مہنگے داموں خریدی جا رہی ہے ، پاکستان اس وقت برے دور سے گزر رہا ہے  ملک کو اس نہج پر نہلے کر جائیں کہ کل کوئی اور سنبھالنے کو تیار ہی نہ ہو ، پی ایس پی کا مقابلہ کراچی میں کسی جماعت سے نہیں ۔ ہم ملک گیر جماعت ہیں پورے ملک میں کامیاب ہوں گے۔ ان کا کہنا تھا کہ بلاول بھٹو کہتے ہیں کہ وفاق تعاون نہیں کر رہا ،  اخبارات میں کتوں کے کاٹنے کے واقعات میں  خبریں چھپ رہی ہیں ،  کتوں کے کاٹنے کے 75 واقعات روزانہ ہوتے ہیں۔