عمرہ زائرین کے علاوہ دیگر افراد کو بھی طواف کعبہ کی اجازت مل گئی
مکہ (92 نیوز) عمرہ زائرین کے علاوہ دیگر افراد کو بھی طواف کعبہ کی اجازت مل گئی۔
سعودی وزارت حج و عمرہ کے مطابق طواف کعبہ کے خواہشمند افراد کوموبائل ایپ سے اجازت نامہ حاصل کرنا ہوگا۔ زائرین مسجد الحرام کی پہلی اور دوسری منزل سے طواف کر سکیں گے۔
سعودی حکام کا کہنا ہے حجر اسود کو بوسہ دینے کی بھی عنقریب اجازت دے دی جائے گی۔ حجر اسود کو بوسہ دینےکی اجازت بھی موبائل ایپ سے لی جاسکے گی۔