عمران کا پیکج مافیا کیلئے ریلیف اور عوام کیلئے تکلیف پیکج ہے ،مریم اورنگزیب

اسلام آباد ( 92 نیوز) ترجمان ن لیگ مریم اورنگزیب نے کہا کہ عمران مافیا کا 15 ارب کا پیکیج جہانگیر ترین اور خسرو بختیار کے لئے ’’ریلیف پیکیج‘‘ اور عوام کے لیے ’’تکلیف پیکیج‘‘  ہے ۔ ترجمان ن لیگ مریم اورنگزیب کہتی ہیں جعلی اور جھوٹے ریلیف پیکیج  سےآٹا ، چینی ، بجلی اور گیس مزید مہنگی ہوگی،  عمران مافیا کی وجہ سے عوام ، ملک اور معیشت کو ناقابل تلافی نقصان پہنچ رہا ہے ، 15 ارب کا پیکج عوام سے محض دھوکہ اور غریبوں کا مزید معاشی قتل عام ہے ۔ انہوں نے کہا کہ عمران مافیا عوام کو کوئی ریلیف نہیں دے سکتا ،  ہر شعبہ میں چوری اور ڈاکہ اور کرپشن عام کی گئی جب کہ  عوام سے کاروبار، روزگار ، روٹی ، آٹا، چینی ، گیس اور بجلی چوری کر لی۔