عمران خان کے سیاسی قد کاٹھ کا کوئی لیڈر نہیں، فواد چودھری

اسلام آباد (92 نیوز) وزیرسائنس اینڈ ٹیکنالوجی فواد چودھری نے کہا، پاکستان میں جمہوریت کی امید عمران خان ہیں، ان کے مقابلے میں کوئی سیاسی قد کاٹھ کا لیڈر نہیں ہے۔

پاکستان میں جمہوریت کی امید عمران خان ہیں، ان کے مقابلے میں کوئ سیاسی قد کاٹھ کا لیڈر نہیں ہے، بلاول اور مریم کو پاکستان کا لیڈر تسلیم کرنا جمہوریت کے منہ پر تھپڑ رسید کرنا ہو گا، PTI کو اپنی صفیں درست کرنا ہوں گی اس ملک کا مستقبل PTI اور@ImranKhanPTI کی کامیابی سے وابستہ ہے

— Ch Fawad Hussain (@fawadchaudhry) April 11, 2021

اُنہوں نے اپنے ٹویٹ پیغام میں لکھا کہ، بلاول اور مریم کو پاکستان کا لیڈر تسلیم کرنا جمہوریت کے منہ پر تھپڑ رسید کرنا ہو گا۔ نواز شریف کا کوئی نظریہ ہے اور نہ ہی ن لیگ کوئی نظریاتی جماعت ہے۔ طویل عرصہ اقتدار میں رہنے کی وجہ سے مفاداتی ٹولہ بن جاتا ہے، ان حواریوں کو نظریاتی نہیں کہا جا سکتا۔

وفاقی وزیر نے مزید لکھا کہ، ڈسکہ میں نون لیگ نہیں جیتی ،پی ٹی آئی ہاری ہے۔ ہار کی وجوہات ہیں، جن کی طرف میں پارٹی کے اندرتوجہ دلاتا رہا ہوں۔ پی ٹی آئی کو اپنی صفیں درست کرنا ہوں گی، اس ملک کا مستقبل پی ٹی آئی اور عمران خان کی کامیابی سے وابستہ ہے۔