عمران خان نے ٹربیونل کے ممبر یوسف گبول سمیت تحریک انصاف کے 6رہنماؤں کی رکنیت معطل کردی
اسلام آباد(92نیوز)عمران خان نے پی ٹی آئی کے تحلیل شدہ ٹربیونل کے فیصلے کا سخت نوٹس لے لیا ،عمران خان نے ٹربیونل کے ممبر یوسف گبول سمیت تحریک انصاف کے چھ رہنماؤں کی رکنیت معطل کر دی۔
تفصیلات کے مطابق تحریک انصاف کے چیئرمین عمران خان نے پی ٹی آئی کے تحلیل شدہ ٹربیونل کے فیصلے کا سخت نوٹس لیتے ہوئے ٹربیونل کے ممبر یوسف گبول کی رکنیت معطل کر دی ہے ۔
عمران خان نے تحریک انصاف کے دیگر پانچ رہنماؤں کی رکنیت بھی معطل کر دی ہے جن میں سلیم جان ،زاہد حسین ،جہانگیر رحمان ،ریاض بشیر اور اعجاز منہاس شامل ہیں ۔
تحریک انصاف کے ذرائع کا کہنا ہے کہ ان رہنماؤں نے پارٹی قیادت پر بلاجواز الزامات لگائے۔
عمران خان کا کہنا ہے کہ ٹربیونل تحلیل کر دیا گیا ہے ،اسکا اب کوئی وجود نہیں ۔
