عمران خان نے آج دوپہر 3 بجے کور گروپ کا اجلاس طلب کرلیا
اسلام آباد (92 نیوز) عمران خان نے آج دوپہر 3 بجے پاکستان تحریک انصاف کے کور گروپ کا اجلاس طلب کرلیا۔
پی ٹی آئی کور گروپ کا اجلاس بنی گالا اسلام آباد میں ہوگا جس میں تحریک انصاف کے جنرل سیکریٹری جہانگیر ترین کی نااہلی کے بعد کی صورتحال اور مجموعی سیاسی صورتحال کا جائزہ لیا جائے گا۔
اجلاس میں عمران خان کو لیگل ٹیم سپریم کورٹ کے فیصلے کے حوالے سے بریفنگ دے گی۔ کور گروپ کے اجلاس میں سپریم کورٹ کے فیصلے کے خلاف نظر ثانی اپیل کے حوالے سے مشاورت بھی کی جائے گی۔
جہانگیرترین کی نااہلی کے بعد اجلاس میں تحریک انصاف کے جنرل سیکریٹری کے حوالے سے بھی فیصلہ کیا جائے گا۔
