عمران خان ملک کے بقا کی جنگ لڑ رہے ہیں ، فردوس عاشق اعوان

 اسلام آباد (92 نیوز) معاون خصوصی فردوس عاشق اعوان نے کہا عمران خان ملک کے بقا کی جنگ لڑ رہے ہیں۔ اپوزیشن سینیٹ کو آئین نہیں اپنی خواہش کے تحت چلانا چاہتی ہے۔ معاون خصوصی فردوس عاشق اعوان نے لعل شہباز قلندر کے مزار پر حاضری دی اور چادر چڑھائی۔ رہنما تحریک انصاف حلیم عادل شیخ اور حاکم علی نوحانی بھی ہمراہ تھے۔ فردوس عاشق کا کہنا تھا کہ وزیراعلیٰ سندھ بھٹو خاندان کےعلاوہ عوام کی بھی خدمت کریں۔ قلندر کی دھرتی پر کھڑے ہو کر اپوزیشن کیلئے ہدایت کی دعا کرتی ہوں۔ فردوس عاشق نے کہا اپوزیشن سینیٹ کوآئین نہیں اپنی خواہش کے تحت چلانا چاہتی ہے۔ اپوزیشن کی امنگوں پر اوس پڑنے والی ہے۔ اپوزیشن کی سیاہ کاریاں کسی سے ڈھکی چھپی نہیں۔