عمر اکمل کی تین سالہ پابندی کم کر کے ڈیڑھ سال کر دی گئی
لاہور ( 92 نیوز) پاکستانی کرکٹر عمر اکمل کو ریلیف مل گیا، عمر اکمل کی تین سالہ پابندی کم کر کے ڈیڑھ سال کر دی گئی ۔ انڈیپنڈنٹ ایڈجیوڈیکٹر جسٹس ریٹائرڈ فقیر محمد کھوکھر نے عمر اکمل کی اپیل پر محفوظ فیصلہ سنایا۔
فیصلہ عمر اکمل اور پی سی بی کے قانونی مشیر تفضل رضوی کی موجودگی میں سنایا گیا، عمر اکمل نے اپنی 3 سالہ پابندی کی سزا کے خلاف اپیل دائر کی تھی، عمر اکمل نے میچ فکسنگ کے لئے بکی کے ساتھ رابطوں کا اعتراف کیا تھا اور پی سی بی کو رابطوں کی بروقت مطلع نہیں کیا تھا۔
