عراقی وزیر اعظم نے امریکی حملے کی مذمت کر دی
بغداد ( 92 نیوز) عراقی وزیر اعظم عدل عبدالمہدی نےعراق میں ایران کے حمایت یافتہ ملیشیا کے ٹھکانوں پر امریکی حملہ کی مذمت کر دی۔
غیر ملکی خبر رساں ادارے کے مطابق عراقی وزیر اعظم عدل عبدالمہدی نے ایران کے حمایت یافتہ ملیشیا کے ٹھکانوں پر حملوں کی مذمت کرتے ہوئے کہا کہ کہ امریکا نے اس اقدام سے عراق کو امریکا اور ایران کے درمیان جاری جنگ میں دھکیلنے کی کوشش کی ہے۔
انہوں نے کہا امریکی فورسز کے کاتیب حزب اللہ ملیشیا کے ٹھکانوں پر حملے میں 25 افراد ہلاک اور 53 زخمی ہوئے ، دوسری جانب امریکی اسٹیٹ ڈیپارٹمنٹ نے ایک بیان میں کہا کہ عراقی حکام امریکی فوجیوں کی حفاظت کرنے میں ناکا م ہو گئے ہیں۔