عدالت کسی مفرور کو ریلیف نہیں دے سکتی، اسلام آباد ہائیکورٹ
اسلام آباد (92 نیوز) چیف جسٹس اسلام آباد ہائیکورٹ جسٹس اطہر من اللہ نے اشتہاریوں کی تقاریر نشر کرنے کی درخواست پر سماعت میں کہا کہ عدالت کسی مفرور کو ریلیف نہیں دے سکتی۔
چیف جسٹس اسلام آباد ہائیکورٹ جسٹس اطہر من اللہ نے ریمارکس دیئے کہ مفرور ملزم کی تو شہریت منسوخ ہوسکتی ہے، مفرور پہلے عدالت کے سامنے سرنڈر کریں پھر وہ قانونی حقوق سے فائدہ اٹھائیں۔ مفرور ملزم خود عدالت سے رجوع نہیں کر رہے۔
عدالت نے درخواست کے قابل سماعت ہونے سے متعلق دلائل طلب کرلئے۔