عثمان بزدار کےوزیراعلیٰ پنجاب منتخب ہونےپر ڈیرہ غازی میں خوشیاں

ڈی جی خان (92 نیوز) سردار عثمان بزدار کے وزیراعلیٰ پنجاب منتخب ہونے پر ڈیرہ غازی میں خوشی کی لہر دوڑ گئی، قبائلی علاقوں میں جشن کا سماں تھا ۔  تونسہ شریف میں بلوچوں نے روایتی لباس میں تلواروں کےساتھ رقص اور جھومر ڈالی، ڈھول کی تھاپ پر بھنگڑے بھی ڈالے گئے۔ سردار عثمان بزدار کے آبائی علاقے تونسہ شریف میں بلوچوں نے روایتی لباس زیب تن کر کے مخصوص تلواروں کےساتھ رقص اور جھومر ڈالی ۔ ڈھول کی تھاپ پر بلوچی سازوں کےساتھ خوشی کے گیت گائے گئے، بلوچ نوجوانوں نے وقفے وقفے سے ٹولیوں کی شکل میں کلمہ چوک پر بھنگڑے ڈالے اور نعرے بازی بھی کی ۔ بلوچ نوجوانوں نے سردار عثمان بزدار کے وزیراعلیٰ منتخب ہونے کی خوشی میں تونسہ شریف میں کلمہ چوک سے نومنتخب وزیراعلیٰ کی رہائش گاہ تک ریلی بھی نکالی گئی۔