عثمان بزدار کی مدینہ منورہ میں چودھری پرویز الٰہی سے ملاقات،سیاسی امور پر گفتگو

مدینہ منورہ ( 92 نیوز ) وزیر اعلیٰ پنجاب سردار عثمان بزدار نے مدینہ منورہ میں اسپیکر پنجاب اسمبلی  چودھری پرویز الٰہی سے ملاقات کی ، ملاقات میں سیاسی امور پر گفتگو کی گئی ۔ حکومت پنجاب کے دوبڑوں کی ملاقات میں حکومتی معاملات کو مشاورت سے چلانے پر اتفاق کیا گیا ، اسپیکر قومی اسمبلی  چودھری پرویز الٰہی کا کہنا تھا کہ ہماری طرف سے وزیر اعلیٰ کا امیدوار عثمان بزدار ہے ۔ چودھری پرویز الٰہی نے رانا ثنا اللہ کے بیان کی تردید کرتے ہوئے کہا کہ دو درجن سے زائد ایم پی ایز کے ن لیگ سے رابطے  سے متعلق رانا ثنا اللہ کے بیان میں کوئی سچائی نہیں ۔ اسپیکر پنجاب اسمبلی کا مزیدکہنا تھا کہ اگر ایسے حالات ہوئے تو مسلم لیگ ن کا ایک بڑا پاکستان تحریک انصاف کے ساتھ ہو گا ۔ وزیر اعلیٰ پنجاب ان دنوں عمرہ کی ادائیگی کیلئے مدینہ منورہ موجود ہیں جب کہ چودھری پرویز الٰہی  پہلے سے مدینہ منورہ میں ہیں۔