عبداللہ شاہ غازی کے 1279ویں عرس کی تقریبات شروع ہو گئیں
کراچی ( 92 نیوز) برصغیر کے عظیم بزرگ عبداللہ شاہ غازی کے بارہ سو نواسی ویں عُرس کی تین روزہ تقریبات کراچی میں شروع ہوگئی ہیں ، آج پہلے دن نماز عشاء کے بعد محفل سماع کا انعقاد کیا جائے گا ،سکیورٹی کےبھی سخت انتظامات کیے گئے ہیں۔
میئرکراچی نے عبداللہ شاہ غازی کے عرس کے آخری روز24اگست کو مقامی سطح پرتعطیل کااعلان کردیاہے ، عبداللہ شاہ غازی کے عرس میں شرکت کیلئے ملک بھرسے زائرین کی آمدکاسلسلہ جاری ہے ۔
کراچی انتظامیہ نے عرس کے موقع پرسخت حفاظتی انتظامات کئے ہیں۔پولیس اوررینجرزکے جوانوں کومختلف مقامات پرتعینات کیاگیاہے جو3مختلف مراحل میں زائرین کی تلاشی پرمامور ہیں۔
مزارکے دونوں اطراف ٹرانسپورٹ کوبندکردیا گیاہے اورزائرین کوپیدل مزارپرجانے کی اجازت ہوگی۔ زائرین کی سہولت کیلئے دودھ،شربت اورپانی کی سبیلیں لگادی گئی ہیں جبکہ محکمہ اوقاف کی جانب سے میڈیکل کیمپ بھی لگایاگیاہے ۔
