عام انتخابات میں کارکنوں کو مشتعل کرنے والے ایم این اے ذوالفقار بھٹی کی ضمانت منسوخ
سرگودھا( 92 نیوز) عام انتخابات میں کارکنوں کو مشتعل کرنے اور اداروں کے خلاف نعرے بازی کے کیس میں سرگودھا کی عدالت نے لیگی ایم این اے ذوالفقار بھٹی سمیت تمام افراد کی ضمانتیں منسوخ کردیں، فیصلے کےبعد لیگی ایم این اے 10ساتھیوں سمیت عدالت سے فرار ہوگیا۔
سرگودھا کی انسداددہشتگردی عدالت میں عام انتخابات میں کارکنوں کو مشتعل کرنے اور اداروں کے خلاف نعرے بازی کرنے کے حوالے سے کیس کی سماعت ہوئی۔
عدالت نے لیگی ایم این اے ذوالفقار بھٹی سمیت تمام افراد کی ضمانت منسوخ کر دی، ذوالفقار بھٹی فیصلہ سنائے جانے سے قبل ہی 10 ساتھیوں سمیت فرار ہوگئے۔
عدالت نے پولیس کو ملزمان کی فوری گرفتاری کا حکم دے دیا، ملزمان کی گرفتاری کے لئے چھاپہ مار ٹیمیں تشکیل دی جا رہی ہیں۔