عالمی چیمپئن محمد آصف نے 45 ویں قومی اسنوکر چیمپئن شپ جیت لی
کراچی (92 نیوز) عالمی چیمپئن محمد آصف نے 45 ویں قومی اسنوکر چیمپئن شپ جیت لی۔ محمد آصف نے فائنل میں دلچسپ مقابلے کے بعد شاہد آفتاب کو شکست دی۔
کراچی جم خانہ میں کھیلے گئے فائنل میں دونوں کیوسٹ کے درمیان سخت مقابلہ ہوا۔ 15 فریم پر مشتمل مقابلے میں محمد آصف نے سات کے مقابلے میں آٹھ فریم سے فتح سمیٹی۔ ورلڈ چیمپئن کیوسٹ نے چوتھی بار قومی ٹائیٹل اپنے نام کیا۔
دونوں فائنلسٹ اپریل میں قطر میں ہونے والی ایشین چیمپئن شپ میں پاکستان کی نمائدگی کریں گے۔ دونوں فائنلسٹ میں ونر اور رنرزاپ ٹرافیاں اور نقد انعام تقسیم کیے گئے۔