عالمی منڈی میں خام تیل کی قیمت میں ریکارڈ 78 فیصد کمی

نیو یارک ( 92 نیوز) کورونا وائرس خام تیل کی قیمتوں  کو بھی لے ڈوبا ، عالمی منڈی میں خام تیل کی قیمت میں ریکارڈ 78فیصد کمی کر دی گئی ۔

عالمی منڈی  میں خام تیل کی قیمت میں ریکارڈ 78فیصد کمی ہوئی ہے ،  امریکا میں خام تیل کی قیمت 4اعشاریہ صفر چار ڈالر بیرل ہو گئی  جو 1983 کے بعد انتہائی کم قیمت ہے  ۔

ویسٹ ٹیکساس انٹرمیڈیری کی قیمت 4.860 ڈالر فی بیرل ہوگئی۔

سمندروں میں موجود ہزاروں آئل ٹینکرز  کے خریداروں نے سپلائی لینے  سے انکار کر دیا ، آرڈر  سپلائی کا  دینے والی عالمی  پارٹیوں نے  زیادہ قیمت پر سپلائی  طلب کی تھی۔

سعودی عرب ، کویت اور ایران  عالمی منڈی میں  تیل کی قیمت پر  سب سے زیادہ پریشان  ہیں ، سپلائی اور ڈیمانڈ   کے  بھونچال  میں تیل کمپنیوں کی اسٹاک مارکیٹ پر  حصص بھی کریش  کرنے لگے ۔

بڑے عالمی بینک صورت حال سے سخت پریشان  ہیں ، کئی  بینکوں نے تیل سپلائرز اور آرڈر  دینے والی کمپنیوں کے اکاؤنٹس  وقتی طور پر منجمد کرنے کا فیصلہ کر لیا ۔