عالمی سطح پر کورونا وبا سے انتقال کرنے والوں کی تعداد 24 لاکھ 18 ہزار سے بڑھ گئی

واشنگٹن (92 نیوز) عالمی سطح پر کورونا کے وار بدستور برقرار ہیں۔ وبا سے انتقال کرنے والوں کی تعداد 24 لاکھ 18 ہزار سے بڑھ گئی۔

امریکا 4 لاکھ 98 ہزار ہلاکتوں، 2 کروڑ 83 لاکھ متاثرین کے ساتھ سرفہرست رہا۔ برازیل میں اموات دو لاکھ 40 ہزار، میکسیکو میں ایک لاکھ 74 ہزار سے تجاوز کر گئیں۔ بھارت میں کورونا سے ایک لاکھ 55 ہزار، برطانیہ میں ایک لاکھ 17 ہزار اموات ہوئیں۔ دنیا میں کورونا متاثرین کی تعداد 10 کروڑ 96 لاکھ تک پہنچ گئی۔

ادھر عالمی ادارہ صحت نے کورونا ویکسین ایسٹرا زینیکا کے ہنگامی استعمال کی منظوری دیدی۔ ڈبلیو ایچ او حکام کا کہنا ہے ایسٹرا زینیکا ویکسین وائرس کی سنگینی کو کم کرنے میں مدد دے گی۔ سربراہ ٹیڈروس ادھنم نے انسداد کورونا مہم کی کامیابی کیلئے ویکسینز کی پیداوار بڑھانے پر زور دیا۔