عالمی بنک نے تربیلا توسیعی منصوبے کیلئے 39 کروڑ ڈالر کی اضافی گرانٹ کی منظوری دیدی
![عالمی بنک نے تربیلا توسیعی منصوبے کیلئے 39 کروڑ ڈالر کی اضافی گرانٹ کی منظوری دیدی](https://urdu.92newshd.tv/wp-content/uploads/2016/05/world_bank_150215.jpg)
اسلام آباد(92نیوز)عالمی بینک نے تربیلہ توسیعی منصوبے کے لیے 39 کروڈ ڈالر اضافی گرانٹ کی منظوری دیدی رقم پاور ہاوس کی تعمیر پر خرچ کی جائیگی ۔
تفصیلات کےمطابق عالمی بینک کی جانب سے جاری کیے گئے اعلامیے میں کہا گیا ہے کہ تربیلا توسیعی منصوبے کے لیے جاری کی گئی گرانٹس سے بجلی کی پیداوار میں اضافہ ہوگا اور ڈیم سے 6298 میگا واٹ بجلی پیدا ہوسکے گی، عالمی بینک کا کہنا ہے کہ بجلی کی پیداوار سے صنعتوں کو لوڈ شیڈنگ کا کم سامنا کرنا پڑے گا جس سے ملکی معیشت میں اضافہ ہوگا اور اقتصادی ترقی کی رفتار تیز ہوگی ۔ اضافی گرانٹ انٹرنیشنل بینک برائے ترقی اور تعمیر نو کی معاونت سے جاری کی گی۔ جنوبی ایشیا میں یہ پہلا منصوبہ ہے جسے ورلڈ بینک اور ایشین انفراسٹرکچر بینک فنڈنگ فراہم کر رہا ہے۔