طیارہ حادثہ کے تین جاں بحق افراد کی میتیں اسلام آباد میں لواحقین کے حوالے

اسلام آباد ( 92 نیوز) کراچی طیارہ حادثہ میں جاں بحق تین افراد کی میتیں اسلام آباد میں لواحقین کے حوالے کر دی گئی ، حادثے میں شہید مزید افراد کی میتیں آج لاہور بھی پہنچائی جائیں گی ۔

ترجمان پی آئی اے کے مطابق بیشتر میتیں قابل شناخت نہیں ہیں ، لواحقین کے ڈی این اے سیمپلز لئے  ہیں ، جانچ کے لئے دس روز کا وقت درکار ہے ۔

پی آئی اے کی بدقسمت پرواز پی کے 8303 لاہور سے کراچی کیلئے روانہ ہوئی تھی ، کراچی ائیرپورٹ پر لینڈنگ گیئر نہ کھلنے کے باعث طیارہ حادثے کا شکار ہو گیا  جس میں  فلائیٹ میں سوار 99 میں سے 97 افراد جاں بحق ہو گئے ۔