صوابی میں نوادرات کی تلاش میں قبروں کی کھدائی،بے حرمتی کا انکشاف
صوابی ( 92 نیوز) صوابی میں کرنل شیر خان کلی میں نوادرات کی تلاش میں قبروں کی کھدائی کا انکشاف ہوا ہے، پرانی تہذیب کے آثار ڈھونڈنے کی کوشش میں قبروں کی بے حرمتی پرعلاقے کے لوگ سراپا احتجاج بن گئے ہیں۔
علاقے کے لوگوں کے مطابق اس مقبرے سے بدھ مت تہذیب کے آثار اور مجسمے ملے تھے جس کے بعد اسی کوشش میں نامعلوم افراد نے کئی قبروں کی کھدائی کر دی، علاقے کے لوگوں کا مطالبہ ہے کہ قبرستان کی بے حرمتی کا سد باب کیا جائے اور اگر نوادرات موجود ہیں تو اس کی حفاظت کو یقینی بنایا جائے۔
