صدر مملکت نے چیف الیکشن کمشنر اور ممبران کی تعیناتی کی منظوری دیدی

 اسلام آباد (92 نیوز)  صدر مملکت عارف علوی نے چیف الیکشن کمشنر اور ممبران کی تعیناتی کی منظوری دیدی۔ سکندر سلطان راجہ پانچ سال کے لیے چیف الیکشن کمشنر مقرر ہو گئے۔ صدر مملکت کی منظوری کے بعد وزارت پارلیمانی امور نے چیف الیکشن کمشنر اور الیکشن کمیشن کے 2 ممبران کی تعیناتی کا نوٹیفکیشن جاری کیا۔ نوٹیفکیشن کے مطابق نثار درانی سندھ اور شاہ محمود جتوئی بلوچستان کے رکن ہونگے۔ چیف الیکشن کمشنر کے حلف کے لیے الیکشن کمیشن جلد سپریم کورٹ سے رابطہ کرے گا۔ چیف جسٹس آف پاکستان نئے چیف الیکشن کمشنر سے حلف لیں گے۔