شہلا رضا بھی کورونا وائرس کا شکار ہو گئیں
کراچی ( 92 نیوز) پاکستان پیپلزپارٹی کی رہنما اور سندھ کی وزیرحقوق نسواں شہلا رضا کورونا وائرس کا شکار ہو گئیں ۔
شہلا رضا نے گزشتہ روز کورونا ٹیسٹ کرایاتھا جس کی رپورٹ آج موصول ہوئی جس میں شہلا رضا میں کورونا وائرس کی تصدیق کی گئی ۔ سندھ اسمبلی کے 25ارکان کورونا وائرس کا شکار ہوچکے ہیں ۔
صوبہ سندھ میں کورونا کے کنفرم کیسز کی تعداد 53 ہزار 805 ہے جبکہ صوبے میں مہلک وائرس کے سبب 831 افراد جاں بحق ہو چکے ہیں ۔
صوبہ سندھ میں 25 ہزار 606 افراد کورونا وائرس کو شکست دیکر صحت مند ہو چکے ہیں ۔