شہدائے کربلاء کے چہلم پر عقیدت مندوں کیلئے جگہ جگہ سبیلوں کا اہتمام

کراچی ( 92 نیوز) کراچی میں شہدائے کربلاء  کے چہلم پر عقیدت مندوں کی جانب سے نذرو نیاز اور جگہ جگہ سبلیوں کا اہتمام کیا گیا ،  شارع فیصل پر  گرما گرم حلوہ پوری، ٹھنڈا پانی، مشروبات اور  مختلف اقسام کے پھلوں سے عزاداروں کی تواضع کی گئی ۔ چہلم شہدائے کربلا کے موقع پر کراچی میں پیدل سفر کرنے والے عزا داروں کیلئے سبیلوں کا انتظام کیا گیا ، عقیدت مندوں اور مخیر افراد کی جانب سے نذرو نیاز کا سلسلہ بھی جاری رہا ۔ شارع فیصل پر زینبیہ موکب میں پیدل چلنے والے جلوس کے شرکا کیلے آرام گاہ، طبی امداد اور لنگر کا خاص اہتمام کیا گیا  ، گرما گرم حلوہ پوری، ٹھنڈا پانی، مشروبات اور مختلف اقسام کے پھلوں سے عزاداروں کی تواضع کی گئی ۔ تپتی ریت پر کربلا کے شہدا پر ڈھائے جانے والے مظالم کو یاد کرکے ہر شخص اشکبار ہوکر جلوس میں شرکت کیلئے پہنچا ۔