شہبازشریف نے کشمیر پر ریفرنڈم کرانے کا وزیراعظم عمران خان کا بیان مسترد کردیا
لاہور (92 نیوز) ن لیگ کے صدر اور قائد حزب اختلاف شہبازشریف نے کشمیر پر ریفرنڈم کرانے کا وزیراعظم عمران خان کا بیان مسترد کردیا۔
شہبازشریف اپنے ٹویٹ پیغام میں کہتے ہیں عمران نیازی آزاد کشمیر میں ریفرنڈم کی بات کر کے پاکستان کے تاریخی اور آئینی موقف سے انحراف کر رہے ہیں۔
تنازعہ جموں وکشمیر کا فیصلہ اقوام متحدہ کی نگرانی میں شفاف آزادانہ استصواب رائے کے ناقابل تنسیخ حق سے ہوگا، پاکستان اور کشمیر کے عوام کا یہی موقف ہے اور
— Shehbaz Sharif (القدس في العيون) (@CMShehbaz) July 24, 2021
کشمیریوں کی مرضی اور مشاورت کے بغیر کوئی حل ان پر ٹھونسنا بھارت کی مدد کرنا اور کشمیر کاز سے غداری کے مترادف ہے!
اُنہوں نے کہا، عمران نیازی کے بیان سے وہ خدشات ثابت ہوگئے ہیں جو 5 اگست کے بھارتی اقدامات سے قوم کے سامنے آچکے ہیں۔ اُن کا مزید کہنا ہے، کشمیریوں کی مرضی اور مشاورت کے بغیر کوئی حل ان پر ٹھونسنا بھارت کی مدد کرنے کے مترادف ہے۔