شہباز گل پر لاہور ہائیکورٹ کے باہر لیگی کارکن نے انڈا پھینک دیا
اسلام آباد (92 نیوز) وزیراعظم کے معاون خصوصی شہبازگل پر لاہورہائیکورٹ کے باہر لیگی کارکن نے انڈا پھینک دیا، چہرے پر سیاہی بھی پھینکی۔
لاہورہائیکورٹ کے باہر پی ٹی آئی کارکنوں نے انڈا پھینکنے والے شخص پر تشدد کیا، پولیس نے اس شخص کو حراست میں لے لیا۔
شہبازگل بولے بوکھلائی ہوئی اپوزیشن اوچھے ہتھکنڈوں پر اترآئی، ہم گالی کا جواب گالی سے نہیں دیں گے، اگلی مرتبہ سیاہی پھینکی تو مریم نواز کے گھر کے باہر پریس کانفرنس کریں گے۔
