شہباز شریف کی ضمانت منسوخی کیلئے دائر نیب اپیلیں سماعت کیلئے مقرر
اسلام آباد ( 92 نیوز ) اپوزیشن لیڈر قومی اسمبلی اور پاکستان مسلم لیگ ن کے صدر شہباز شریف کی مشکلات بڑھنے لگیں ، شہباز شریف کیخلاف ضمانت منسوخی کیلئے دائر نیب اپیلیں سماعت کیلئے مقرر کر دی گئیں ۔
سپریم کورٹ کا تین رکنی بنچ ساڑھے پانچ ماہ بعد 22 اکتوبر کو شہباز شریف کی ضمانت منسوخی کیلئے نیب کی دائر کردہ اپیلوں کی سماعت کرے گا ۔
صاف پانی اور آشیانہ سکینڈلز میں نیب نے ضمانت منسوخی کیلئے رجوع کر رکھا ہے ، لاہور ہائی کورٹ نے شہباز شریف کی دونوں مقدمات میں ضمانت منظور کی تھی۔
