شہباز شریف کی باہر جانے سے روکنے کے خلاف درخواست پر وفاقی حکومت سے 26 مئی تک جواب طلب
لاہور (92 نیوز) لیگی صدر شہباز شریف کی باہر جانے سے روکنے کے خلاف درخواست پر لاہور ہائیکورٹ نے وفاقی حکومت سے 26 مئی تک جواب طلب کر لیا۔
جسٹس علی باقر نجفی نے استفسار کیا درخواست گزار کا نام ای سی ایل میں ہونے اور عدالتی فیصلہ سپریم کورٹ میں چیلنج ہونے کے بعد کیا درخواست قابل سماعت ہے۔ اعظم نذیر تارڑ نے مؤقف اپنایا کہ معاملہ عدالت کے فیصلے پر عملدرآمد کا ہے۔
