شہباز شریف کا کورونا سے اموات اور متاثرین کی تعداد میں اضافے پر اظہار افسوس
لاہور ( 92 نیوز) اپوزیشن لیڈر شہباز شریف نے کورونا سے اموات اور متاثرین کی تعداد میں اضافے پر اظہار افسوس کرتے ہوئے کہا کہ وفاق اور صوبے مل کر حالات کا جائزہ لیں ، مشترکہ مفادات کونسل کا اجلاس بلایا جائے۔
اپوزیشن لیڈر قومی اسمبلی شہباز شریف نے کہا کہ کورونا کے خلاف فرنٹ لائن سولجرز اور عوام کو حالات کے رحم و کرم پر نہ چھوڑا جائے ، کورونا کی تباہ کاری حکومت کے دعوؤں کو غلط ثابت کرچکی ، ملاک ڈاؤن میں نرمی کے نتائج کا دوبارہ جائزہ لیا جائے۔
