شہباز شریف نواز شریف سے وفاداری پر قید ہیں، مریم نواز

مریم نواز کی جاتی امرا میں صحافیوں سے ملاقات میں غیر رسمی گفتگو میں کہا کہ حمزہ شہباز کو بھی نواز شریف سے وفاداری کی سزا دی جارہی ہے۔ جس طرح کے حالات ہیں حکومت کا جانا بنتا ہے، حالات بہت خراب، حکومت مزید نہیں چل سکتی۔

انہوں نے کہا کہ میرا قاضی فائز عیسی سے آج تک رابطہ نہیں ہوا۔ جسٹس شوکت عزیز صدیقی کو ہمارا رشتہ دار بنا دیا گیا میں انکو جانتی بھی نہیں تھی۔ مزید کہا کہ مجھے لگتا ہے اگر عمران خان کے بغیر لوگوں کو بتاتے کہ کٹھ پتلی کیا ہوتا ہے تو شاید لوگوں کو سمجھ نہ آتِی۔ نواز شریف نے مجھے ملتان جلسے میں شرکت کی ہدایت کی، اٹک جیل میں فنگس والی ادویات کھانے پر مجبور تھی۔

اُن کا کہنا تھا کہ گیس کا بحران آنے والا ہے، بجلی کے بل ایک ایک لاکھ آ رہے ہیں، آج حکومت اسرائیل کی بات کر رہی ہے، کشمیر کا آپ مقدمہ ہار چکے ہیں۔ اندر سے آوازیں اس وقت اٹھتی ہیں جو دوسروں کو سپر سیڈ کرتے ہیں۔