شہباز شریف اور حمزہ شہباز کی پیرول میں توسیع کی درخواست مسترد

معاون خصوصی فردوس عاشق اعوان کہتی ہیں کہ وزیراعلیٰ نے پہلے ہی انسانی ہمدردی میں معمول سے زیادہ دنوں کے لئے پیرول دیا، انوکھے لاڈلوں کو بارہ گھنٹے کے پیرول کے بجائے پانچ روزہ پیرول پر رہا کیا گیا۔ اب فوتیدگی کی صف پر بیٹھ کر سیاسی گٹھ جوڑ اور کاروباری معاملات چلانے کی اجازت نہیں دی جائے گی۔

انہوں نے مزید کہا کہ شہبازشریف کو یہ درخواست دینی ہی نہیں چاہئے تھی، پنجاب حکومت کی پالیسی بہت واضح ہے۔

گورنر پنجاب چودھری محمد سرور کا (ن) لیگ کے صدر شہباز شریف سے ٹیلی فونک رابطہ ہوا، بیگم شمیم کے انتقال پر اظہار تعزیت کیا۔ کہا کہ اللہ تعالیٰ مر حومہ کو جنت الفر دوس میں اعلیٰ مقام عطاء فرمائے۔ ماں کی کمی کو دنیا کی طاقت پوری نہیں کر سکتی۔

گورنر پنجاب نے اپوزیشن کو پھر مذاکرات کی دعوت دے دی۔