شہباز تتلہ کیس ، ایس ایس پی مفخر عدیل کا پانچ روزہ جسمانی ریمانڈ منظور
لاہور ( 92 نیوز) شہباز تتلہ کیس میں ایس ایس پی مفخر عدیل کا 5 روزہ جسمانی ریمانڈ منظور کر لیا گیا ، مفخرعدیل اور اسد بھٹی کو ماڈل ٹاؤن کچہری میں جوڈیشل مجسٹریٹ کے روبروپیش کیا گیا۔
تفتیشی افسرنے 6 روزہ جسمانی ریمانڈ کی استدعا کی، عدالت نے ایس ایس پی مفخر عدیل کو پانچ روزہ جسمانی ریمانڈ پر پولیس کے حوالے کر دیا ، پیشی کے موقع پر سکیورٹی کے سخت انتظامات کئے گئے تھے ، مفخرعدیل کوبکتر بند گاڑی میں لایاگیا۔
