شہبازشریف 11 جون کو آجائینگے، آشیانہ اسکینڈل کیس میں وکیل کی عدالت کو یقین دہانی

لاہور ( 92 نیوز) آشیانہ اسکینڈل کیس میں وکیل نے احتساب عدالت میں یقین دہانی کرادی کہ شہازشریف 11 جون کو آجائیں گے  ، شہبازشریف کی آج حاضری سے استثنیٰ کی درخواست دائر کی گئی ۔ احتساب عدالت میں آشیانہ اسکینڈل کیس کی سماعت ہوئی ، شہباز شریف کی جانب سے آج کی حاضری سے استثنیٰ کی درخواست دائر کی گئی ۔ عدالت کے استفسار پر شہباز شریف کے وکیل نے عدالت میں  یقین دہانی کرائی کہ شہباز شریف 11 جون کو  وطن واپس آجائیں گے ۔ آمدن سے زائد اثاثہ جات اور رمضان شوگر ملز میں دوران سماعت بہت سے وکلاء کے بیک وقت بولنے پر  عدالت برہم ہو گئی ، عدالت نے ریمارکس دیے کہ  یہ عدالت ہے اسے سیاسی اکھاڑا نہ بنایا جائے ۔ فاضل جج نے وکلا کی بدتمیزی پر حمزہ شہباز کو روسٹرم پر بلا لیا۔