شنگھائی تعاون تنظیم کے تحت فوجی مشقوں "تسنتر، مرکز 2019ء" کا روس میں آغاز
راولپنڈی (92 نیوز) شنگھائی تعاون تنظیم کے تحت فوجی مشقوں "تسنتر، مرکز 2019ء" کا روس میں آغاز ہو گیا۔
آئی ایس پی آر کے مطابق ایک ہفتے پر محیط فوجی مشقیں، "تسنتر، مرکز 2019، روس کے علاقے دونگز میں منعقد ہو رہی ہیں۔ ان مشقوں میں پاکستان سمیت شنگھائی تعاون تنظیم کے دیگر رکن ممالک بھی حصہ لے رہے ہیں۔
پاکستان سمیت تمام رکن ممالک کے اعلی فوجی حکام نے مشقوں کی افتتاحی تقریب میں شرکت کی ۔ ان مشقوں کا مقصد بین الاقوامی دہشتگردی کا موثر خاتمہ ہے۔
مشقوں کا محور شریک افواج کی دہشتگردی کیخلاف تیاری، علاقائی سلامتی اور استحکام کو یقینی بنانا ہے۔