شمالی وزیر ستان کی تحصیل شوال اورافغان صوبے کنہڑ میں ڈرون حملہ
شوال(92نیوز)شمالی وزیرستان کی تحصیل شوال اور افغان صوبے کنہڑ کے علاقے میں امریکی ڈرون حملے سے اہم طالبا ن کمانڈرزاپنے ساتھیوں سمیت ہلاک ہوگئے۔
تفصیلات کے مطابق شمالی وزیرستان کی تحصیل شوال اور افغانستان کے صوبے کنہڑ میں ہونے والے ڈرون حملے میں طالبان کے اہم رہنماوں سمیت 7 دہشت گرد ہلاک ہوگئے۔
افغانستان کے علاقے میں ہونے والے ڈرون حملے میں طالبان کمانڈر ملا عابدسمیت تین افراد ہلاک جبکہ پاکستان کی سرحدی تحصیل شوال میں ہونے والے ڈرون حملوں میں تحریک طالبان سجنا گروپ کے چار دہشت گرد موقع پر ہی ہلاک ہوگئے۔
شوال کی تحصیل کے ایک گھر میں ڈرون طیارے کے ذریعے راکٹ فائر کیے گئے جس سے سجنا گروپ کے اہم کمانڈر موقع پر ہلاک ہوگئے۔
