شلپا شیٹھی ہیلتھ ایپ متعارف کرائیں گی
ممبئی ( ویب ڈیسک ) بالی ووڈ کی معروف اداکارہ شلپا شیٹھی اپنی ہیلتھ ایپ متعارف کرائیں گی ۔
اپنی ہیلتھ ایپ میں بالی ووڈ اداکارہ متوازن غذا سے متعلق آگاہی دینے کے ساتھ صحت مند زندگی گزارنے کے طریقوں سے روشناس کرائیں گی ۔
اداکارہ نے ایک تقریب کے بعد میڈیا سے گفتگو کرتے ہوئے ہیلتھ ایپ متعارف کرانے کا عندیہ دیا ۔ ان کا کہنا تھا کہ ایک متوازن غذا صحت مند زندگی کے لئے اشد ضروری ہے ۔
شلپا نے کہا کہ اپنی ہیلتھ ایپ میں ماہرین غذا کی گائیڈ لائنز بھی شامل کروں گی ، میرا اپنا زیادہ تر انحصار متوازن غذا جب کہ کچھ فیصد کسرت پر ہوتا ہے اور یہی میری فٹنس کا راز ہے ۔