شاہد خاقان ،احسن اقبال کی ضمانت کی درخواستوں پر سماعت 10 فروری تک ملتوی

اسلام آباد ( 92 نیوز) مسلم لیگ نون کے رہنما شاہد خاقان  عباسی اور احسن اقبال کی ضمانت کی درخواستوں پر سماعت 10 فروری تک ملتوی کر دی گئی ، اسلام آباد ہائی کورٹ نے نیب کو نوٹس جاری کرتے ہوئے آئندہ پیر تک جواب طلب کر لیا۔ اسلام آباد ہائی کورٹ کے چیف جسٹس اطہر من اللہ کی سربراہی میں دو رکنی بینچ نے ایل این جی اسکینڈل میں گرفتار سابق وزیراعظم شاہد خاقان  عباسی اور نارووال سپورٹس سٹی اسکینڈل میں گرفتار لیگی رہنما احسن اقبال کی ضمانت بعد از گرفتاری کی درخواستوں پر سماعت کی۔ عدالت نے نیب کو نوٹس جاری کرتے ہوئے آئندہ پیر تک جواب جمع کرانے کا حکم دیا ہے، دونوں درخواستوں پر آئندہ سماعت 10 فروری کو ہو گی۔