شام میں برطانوی کارروائیوں سے نالاں شخص کا لندن میٹرو اسٹیشن پر چاقو سے حملہ، 3افراد زخمی
لندن(ویب ڈیسک)شام میں برطانوی فضائیہ کی کارروائیوں سے نالاں شخص نے لندن میٹرو سٹیشن پر چاقو سے حملہ کر کے تین افراد کو زخمی کر دیا ہے۔
تفصیلات کےمطابق مشرقی لندن کے زیر زمین لیٹن سٹون سٹیشن میں موجود حملہ آور نے دوسرے شخص کو زخمی کرنے سے پہلے چیختے ہوئے کہا یہ شام میں کارروائی کا جواب ہے ،حملے کے فوراً بعد پولیس نے کارروائی کرتے ہوئے حملہ آور کو ٹیزر گن کے ذریعے قابو کر کے گرفتار کر لیا پولیس کے کاؤنٹر ٹیررازم یونٹ کے سربراہ رچرڈ والٹن کا کہنا ہے کہ پولیس حملے کو دہشت گردی کے واقعے کے طور پر لے رہی ہے ۔
زخمیوں میں دو معمولی جبکہ ایک شدید زخمی ہوا ہے برطانوی پارلیمنٹ کی جانب سے شام میں فضائی کارروائی کی اجازت کے بعد سے ملک میں دہشت گرد حملوں کا شدید خطرہ ظاہر کیا گیا ہے۔
