شارجہ حکام نے شراب کے نشے میں دھت انڈین ایئرلائن کے پائلٹ کو گرفتار کر لیا

ممبئی (ویب ڈیسک) ائیرانڈیا بھارت کے لیے شرمندگی کا باعث بن گئی، ایک اور پائلٹ کو شراب نوشی کے الزام میں شارجہ میں گرفتار کر لیا گیا۔ ائیر انڈیا کی فلائٹ نو سو چونتیس دہلی کے لیے روانہ ہونا تھی لیکن پائلٹ شراب کے نشے میں دھت تھا جس پر شارجہ حکام نے ٹیسٹ رپورٹ کے بعد اسے گرفتار کر لیا جس پر فلائٹ کو روانہ کرنے کے لیے متبادل پائلٹ کا بندوبست کیا گیا۔ ائیر انڈیا کے ترجمان کا کہنا ہے کہ پائلٹ جہاز اڑانے کے لیے فٹ نہیں تھا اس لیے اسے روک دیا گیا اوراس بات کی تحقیقات کی جارہی ہیں کہ پائلٹ کیوں ان فٹ تھا۔ گزشتہ پانچ برس کے دوران ڈیوٹی کے دوران شراب نوشی پر ایک سو پینسٹھ پائلٹ پکڑے گئے۔